International
சமையல்

அஜீரண பிரச்சனையை குணமாக்கும் இஞ்சி பூண்டு சட்னி

அஜீரண கோளாறு, வயிறு பிரச்சனை இருப்பவர்கள் அடிக்கடி இந்த இஞ்சி பூண்டு சட்னியை செய்து சாப்பிடலாம். இன்று இதன் செய்முறையை பார்க்கலாம்.

தேவையான பொருட்கள் :

பூண்டு – 10 பற்கள் (அ) ஒரு முழுப்பூண்டு
இஞ்சி – பெரிய துண்டு
புளி – சிறு அளவு
வரமிளகாய் -1
உப்பு – தேவையான அளவு
நல்லெண்ணெய் – 2 டேபிள்ஸ்பூன்

தாளிக்க :

எண்ணெய் – 1 டீஸ்பூன்
கடுகு – 1/2 டீஸ்பூன்
உளுந்தம் பருப்பு – 1/2 டீஸ்பூன்

கறிவேப்பிலை – சிறிதளவு

செய்முறை  :

இஞ்சியைத் தோல் சீவி வைக்கவும். பூண்டை தோலுரித்துக்கொள்ளவும்.

இஞ்சி, பூண்டை மெல்லிய துண்டுகளாக நறுக்கி வைக்கவும்.

கடாயை அடுப்பில் வைத்து எண்ணெய் ஊற்றி சூடானதும் இஞ்சி, பூண்டு சேர்த்து வதக்கவும்.

இஞ்சி, பூண்டு பொன்னிறமாக வதங்கியதும் புளி, வரமிளகாயைச் சேர்த்து மிளகாய் கருகாமல் வறுத்து ஆறவைக்கவும்.

நன்றாக ஆறியதும் தேவையான உப்பு சேர்த்து கொஞ்சமாகத் தண்ணீர் விட்டு அரைத்தெடுக்கவும். வதக்கும்போது இருக்கும் எண்ணெயையும் சேர்த்து அரைக்கவும்.

மற்றொரு கடாயை அடுப்பில் வைத்து ஒரு டீஸ்பூன் எண்ணெய் ஊற்றி சூடானதும் கடுகு, உளுந்தம் பருப்பு, கறிவேப்பிலை போட்டு தாளித்து சட்னியில் சேர்க்கவும்.

சூப்பரான இஞ்சி பூண்டு சட்னி ரெடி.

இட்லி – தோசை- சப்பாத்திக்கு பொருத்தமான சட்னி ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள்.
உங்கள் கருத்துக்களை samayalmalar@gmail.com என்ற இணையதள முகவரிக்கு
அனுப்பி வையுங்கள்.

Related Tags :

share

Most Popular

To Top
error: Alert: Content is protected !!