International
சினிமா

வைரலாகும் விஜய் சேதுபதியின் வில்லன் தோற்றம்


நடிகர் விஜய் சேதுபதி வில்லன் தோற்றத்தில் இருக்கும் புகைப்படத்தை படக்குழுவினர் வெளியிட்டு உள்ளனர். அந்த புகைப்படம் சமூக வலைத்தளங்களில் வைரலாகி வருகிறது.

விஜய் சேதுபதி இமேஜ் பார்க்காமல் வித்தியாசமான கதாபாத்திரங்களில் நடித்து வருகிறார். சூப்பர் டீலக்ஸ் படத்தில் நடித்த திருநங்கை கதாபாத்திரத்துக்கு பாராட்டுகள் கிடைத்தன. சீதக்காதியில் வயதானவராக வந்தார். விக்ரம் வேதா, ரஜினிகாந்தின் பேட்ட படங்களில் வில்லன் வேடம் ஏற்றார். இந்த படங்களுக்கு பிறகு அவருக்கு வில்லன் வாய்ப்புகள் குவிகின்றன. 

தற்போது விஜய்யின் மாஸ்டர் படத்தில் வில்லனாக நடித்து வருகிறார். அடுத்து பிச்சிபாபு சனா இயக்கத்தில் உருவாகும் உப்பெனா என்ற தெலுங்கு படத்திலும் வில்லனாக நடித்து இருக்கிறார். இதில் கதாநாயகனாக வைஷ்ணவ் தேஜ் நடித்துள்ளார். நாயகியாக கீர்த்தி ஷெட்டி வருகிறார். கதாநாயகிக்கு தந்தையாகவும், வில்லனாகவும் விஜய் சேதுபதி வருகிறார். ஏற்கனவே சிரஞ்சீவியின் சைரா நரசிம்ம ரெட்டி தெலுங்கு படத்தில் விஜய் சேதுபதி நடித்து இருந்தார் என்பது குறிப்பிடத்தக்கது.

விஜய் சேதுபதி

உப்பெனா படத்தின் விஜய் சேதுபதி தோற்றத்தை படக்குழுவினர் ஏற்கனவே வெளியிட்ட நிலையில், தற்போது மேலும் ஒரு போஸ்டரை வெளியிட்டுள்ளனர். சிகரெட் பிடித்தபடி நாற்காலியில் கால்மேல் கால்போட்டு விஜய் சேதுபதி அமர்ந்திருப்பது போன்ற அந்த புகைப்படம்  சமூக வலைத்தளத்தில் வைரலாகி வருகிறது. விஜய் சேதுபதி நடித்துள்ளதால் தமிழிலும் டப்பிங் செய்து வெளியிட ஏற்பாடுகள் நடக்கிறது.

Related Tags :

share

Most Popular

To Top
error: Alert: Content is protected !!