International
இந்தியா

திருமணமான ஒரே வாரத்தில் தமிழ் இளம்பெண் எடுத்த விபரீத முடிவு..!!

திருமணமான ஒரே வாரத்தில் இளம்பெண் தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.
மேலும் இந்த விவகாரத்தில் அவரது கணவரை காவல்துறையினர் கைது செய்துள்ளனர்.
சென்னையில் நடந்த இந்த சம்பவம் தொடர்பில் மேலும் தெரியவருவதாவது.,
பல்லாவரம் அருகேயுள்ள திரிசூலத்தைச் சேர்ந்தவர் மனிஷா. பொறியியல் கல்லூரியில் படித்துக் கொண்டிருந்த இவர், ஓட்டுநர் அபின்ராஜ் என்பவரை காதலித்துள்ளார். அதற்கு பெற்றோர் எதிர்ப்பு தெரிவித்ததால் வீட்டை விட்டு வெளியேறிய மனிஷா காதலர் அபின்ராஜூடன் கடந்த ஓராண்டாக வசித்து வந்துள்ளார். அதன் காரணமாக அவர் கருவுற்றதாக தெரிகிறது. இருவருக்கும் இடையே அவ்வப்போது சண்டை ஏற்படும் என சொல்லப்படுகிறது.
அப்படி ஒரு சூழலில் அபின்ராஜ் எட்டி உதைத்ததில் மனிஷா வயிற்றில் இருந்த கரு கலைந்துள்ளது. அதன் பிறகும் இருவரும் ஒன்றாக வசித்து வந்த நிலையில் தன்னை திருமணம் செய்து கொள்ளும்படி அபின்ராஜை வற்புறுத்தியுள்ளார் மனிஷா. தான் அனிதா என்ற பெண்ணையும் காதலிப்பதாகக் கூறி அவருக்கு அதிர்ச்சி அளித்துள்ளார் அபின்ராஜ்.
பெற்றோரை பிரிந்து வந்துவிட்ட நிலையில் ஆதரவின்றி தவித்த மனிஷா தம்மை திருமணம் செய்து கொள்ளும்படி அபின்ராஜிடம் கெஞ்சியுள்ளார். அவர் காதலிப்பதாகக்கூறிய அனிதா என்பவரிடமும் மனிஷா அழுது மன்றாடியுள்ளார்.
இதனையடுத்து ஒரு வழியாக மனிஷாவை ஆகஸ்ட் 25ஆம் தேதி திருமணம் செய்து கொண்டுள்ளார் அபின்ராஜ். ஆனால் அதன் பிறகும் அனிதா உடனான உறவை அவர் தொடர்ந்ததாக தெரிகிறது. அதனால் மனமுடைந்த மனிஷா தூக்கிட்டு தற்கொலை செய்து கொண்டுள்ளார்.
அவரது உயிரிழப்பில் சந்தேகம் இருப்பதாக மனிஷாவின் தந்தை முருகன் புகார் அளித்ததன் பேரில் காவல்துறையினர் நடத்திய விசாரணையில் மனிஷாவின் தற்கொலைக்கு அபின் ராஜே காரணம் என்பது தெரியவந்ததையடுத்து அவரை காவல்துறையினர் கைது செய்துள்ளதாக அறியமுடிகிறது.
இந்த சம்பவத்தால் அப்பகுதி மக்கள் பெரும் சோகத்திற்கும், கோபத்திற்கும் உள்ளாக்கியதாக தெரிவிக்கப்படுகிறது.

share

Most Popular

To Top
error: Alert: Content is protected !!