International
விளையாட்டு

புரோ கபடி ‘லீக்’ போட்டி- தமிழ் தலைவாஸ் 6-வது வெற்றி பெறுமா? டெல்லியுடன் இன்று மோதல்

புரோ கபடி லீக் போட்டியின் இன்றைய ஆட்டத்தில் தமிழ் தலைவாஸ் அணியும் தபாங் டெல்லி அணியும் மோதுகின்றனர். #ProKabaddi2018 #TamilThalaivas #DabangDelhi

புதுடெல்லி;

6-வது புரோ கபடி ‘லீக்’ போட்டி தற்போது டெல்லியில் நடைபெற்று வருகிறது.

இந்தப்போட்டியில் மொத்தம் 12 அணிகள் பங்கேற்றுள்ளன. அவை 2 பிரிவாக பிரிக்கப்பட்டுள்ளன. ‘லீக்’ முடிவில் இரண்டு பிரிவிலும் முதல் 3 இடங்களை பிடிக்கும் அணிகள் ‘பிளேஆப்’ சுற்றுக்கு தகுதி பெறும். ஒவ்வொரு அணியும் 22 ஆட்டங்களில் விளையாட வேண்டும்.

‘ஏ’ பிரிவில் இருந்து மும்பை, குஜராத் அணிகள் ‘பிளேஆப்’ சுற்றுக்கு நுழைந்துவிட்டன. இந்த பிரிவில் இருந்து இன்னும் ஒரு அணி நுழைய வேண்டும். ‘பி’ பிரிவில் இதுவரை எந்த அணியும் இன்னும் தகுதி பெறவில்லை. பெங்களூர் அணி 59 புள்ளியுடன் முதல் இடத்தில் உள்ளது.

சென்னை நகரை மையமாக கொண்ட அஜய் தாகூர் தலைமையிலான தமிழ் தலைவாஸ் அணி ‘பி’ பிரிவில் உள்ளது. 16 ஆட்டத்தில் 5 வெற்றி, 9 தோல்வி, 2 டையுடன் 33 புள்ளிகள் பெற்று 5-வது இடத்தில் இருக்கிறது.

தமிழ் தலைவாஸ் 17-வது ‘லீக்’ ஆட்டத்தில் டெல்லி டெபாங்கை இன்று இரவு 9 மணிக்கு சந்திக்கிறது.

‘பிளேஆப்’ சுற்று வாய்ப்பில் தொடர்ந்து இருக்க இந்த ஆட்டத்தில் வெற்றி பெற வேண்டிய கட்டாயம் தமிழ் தலைவாசுக்கு இருக்கிறது. தோற்றால் போட்டியில் இருந்து வெளியேறும். பலம் வாய்ந்த டெல்லி அணியை வீழ்த்துவது சவாலானதே. அஜய் தாகூர், மஞ்சித் சில்லரின் ஆட்டத்தை பொறுத்தே அணியின் நிலை உள்ளது. டெல்லி அணி 9 வெற்றி, 8 தோல்வி, 1டையுடன் 55 புள்ளிகள் பெற்று ‘ஏ’ பிரிவில் 3-வது இடத்தில் உள்ளது.

முன்னதாக இரவு 8 மணிக்கு நடைபெறும் ஆட்டத்தில் அரியானா ஸ்டீலர்ஸ்- உ.பி.யோதா அணிகள் மோதுகின்றன. அரியானா 7-வது வெற்றி ஆர்வத்திலும், உ.பி.யோதா 4-வது வெற்றி ஆர்வத்திலும் உள்ளன. #ProKabaddi2018 #TamilThalaivas #DabangDelhi

Related Tags :

share

Most Popular

To Top
error: Alert: Content is protected !!