International
அழகு

கரு கரு, பளபள கூந்தலுக்கு 100% கியாரண்டி தரும் இயற்கை பொருள் இதுதானாம்…

வெங்காயத்தின் மருத்துவ குணம் அனைவருக்கும் தெரியும். நம் ஆரோக்கியமான வாழ்வுக்கு அன்றாடம் வெங்காயத்தை பயன்படுத்தி வருகிறோம். இந்த வெங்காயம் இன்று பலரையும் ஆட்டிபடைக்கும் கூந்தல் பிரச்சனையிலும் மிக முக்கிய பங்குவகிக்கிறது. இதை சித்த மருத்துவர்களும், அழகு கலை பராமரிப்பு நிபுணர்களும் கூட பரிந்துரை செய்கிறார்கள். வெங்காயத்தை எப்படி பயன்படுத்த வேண்டாம். அவை கூந்தலின் வளர்ச்சியில் என்னவெல்லாம் மாயம் செய்கிறது என்பதை பார்க்கலாமா?

வெங்காயம்

வெள்ளை வெங்காயம், சிவப்பு பெரிய வெங்காயம், சின்ன (சாம்பார்) வெங்காயம் என்று பயன் படுத்துகிறோம். வைட்டமின் பி6, வைட்டமின் சி, சல்ஃபர், கால்சியம் போன்ற சத்துகளை வெங் காயம் கொண்டிருக்கிறது.

மூன்று விதமான வெங்காயம் இருந்தாலும் இந்த மூன்றுமே ஒரே மாதிரி சத்துகளை கொண்டிருக் கிறது. அதே நேரம் சாம்பார் வெங்காயத்தில் மட்டும் சல்ஃபர் மற்றும் கால்சியம் அளவு சற்று அதிக மாக இருக்கிறது. பலரும் வெங்காயத்தின் அற்புத மருத்துவ குணங்களை உணர்ந்து வெங்காயச் சாறை பயன்படுத்தி கூந்தலின் ஆரோக்கியத்தை பெற நினைத்தாலும் அதை பயன்படுத்துவதிலும் சரியான முறையை பின்பற்ற வேண்டும்.

​வெங்காயத்துக்கும் கூந்தலுக்கும்

உடலில் இயற்கையாகவே இருக்கும் ஹைட்ரஜன் பெராக்ஸைடு அதிகளவில் சுரக்கும் போது முடி இளவயதில் நரைக்க தோன்றும். இதை வெங்காயசாறு கட்டுப்படுத்துவதால் நரை முடி தடுக்கப் படுகிறது. ஊட்டச்சத்து குறைபாடு இருப்பவர்களுக்கு முடி உதிர்வு அதிகமாக இருக்கும்.

இவை தவிர ஹார்மோன் பிரச்சனை, பரம்பரை காரணமாக நரைமுடி, உரிய கூந்தல் பராமரிப் பின்மை, கூந்தலில் படியும் அழுக்கு அதனால் உருவாகும் பொடுகு, ஈறு பிரச்சனை போன்றவை அனைத்தையும் சரிசெய்ய பல மருத்துவங்களை நாடுகிறோம். இவை தாண்டி வீட்டில் இருக்கும் பொருள்களை கொண்டும் பல முயற்சிகளை மேற்கொள்கிறோம். அந்த வகையில் இந்த கூந்தல் பிரச்சனையை தீர்த்து வைக்க வெங்காயம் உதவுகிறது. இன்னும் சிலருக்கு தலையில் பூச்சி வெட்டு பிரச்சனை அதை தொடர்ந்து அந்த இடத்தில் முடி வளராமல் வழுக்கை போன்ற பாதிப்பும் இருக்கும் அவர்களுக்கும் சிறந்த தீர்வாக வெங்காயம் இருக்கிறது என்கிறார்கள் இதை பயன்படுத்தி பலன் பெற்றவர்கள்.

​வெங்காய சாறு சேர்ப்போம்

உங்கள் கூந்தலின் அளவுக்கேற்ப வெங்காயத்தை எடுத்துக்கொள்ளலாம். சிறிய வெங்காயம் தான் வேண்டும் என்பதில்லை. பெரிய வெங்காயமும் பயன்படுத்தலாம். வெங்காயத்தை தோல் உரித்து சிறு துண்டுகளாக நறுக்கி மிக்ஸியில் அரைத்து எடுங்கள். சிறிது கூட நீர் சேர்க்க வேண்டாம். அந்த விழுதை மெல்லிய வெள்ளை துணியில் சேர்த்து பிழிந்து கொள்ளுங்கள். இப்போது சாறு கிடைக் கும்.

சுத்தமான பஞ்சில் அதை தோய்த்து எடுத்து முடியின் வேர்ப்பகுதியில் ஒற்றி ஒற்றி எடுக்கவும். இப் படி முடியின் ஒவ்வொரு பகுதியிலும் இதைவைத்து சாறு நன்றாக படும்படி வைக்கவும். உச்சந்தலை யிலும் முன்பகுதியிலும் சிலருக்கு முடியின் அடர்த்தி குறைவாக இருக்கும். இந்த பகுதியில் கவ னமாக எல்லா இடங்களிலும் சாறு பரவும்படி ஒற்றிஎடுக்கவும்.

​எவ்வளவு நேரம்

வெங்காயச்சாறு மிகவும் குளிர்ச்சியை கொடுக்கும் என்று பலரும் நினைக்கிறார்கள். இன்னும் சிலர் சாறு தடவி பத்துநிமிடங்களில் குளித்துவிட வேண்டும் என்றும் சொல்வார்கள். ஆனால் இந்த இரண் டுமே தவறு. வெங்காயச்சாறு தடவி 20 நிமிடங்கள் வரை காயவிடலாம். தற்போது பனிக்காலமாக இருந்தாலும் அவை எதுவும் செய்யாது. படிப்படியாக இந்த நேரத்தை அதிகரித்து அதிகபட்சம் ஒரு மணி நேரம் வரை ஊறவிடலாம். கோடைக்காலங்களில் தாராளமாக ஒரு மணி நேரம் வரை ஊறவிடலாம். இதனால் எந்தவிதமான உடல் கோளாறும் உண்டாகாது.

அதிக சூட்டில் இல்லாமல் மிதமான வெந்நீரில் தலைக்கு தண்ணீர் ஊற்றி இலேசாக கூந்தலை கசக்கி பிறகு மைல்டான ஷாம்பு கலந்து தேய்த்து குளிக்கலாம். பிறகு வெந்நீரில் பிழிந்து எடுத்து சுத்தமான டவலை கூந்தலில் பத்துநிமிடங்கள் வரை சுற்றி வைக்கலாம்.

​பலன் எப்போது

தொடர்ந்து பயன்படுத்தும் போது ஒரு மாதத்தில் நல்ல பலன் தெரியும். ஆனால் தினமும் சாறு பிழிந்து தேய்த்து குளிப்பது சிரமமாக இருக்கும். இவர்கள் வாரம் இருமுறை அல்லது ஒருமுறை வெங்காயசாறு தடவி குளித்துவந்தால் இரண்டு மாதங்களில் படிப்படியாக பலன் தெரிவதை காணலாம்.

இந்த வெங்காய சாறு பயன்படுத்தும் போது வேறு எந்த பராமரிப்பும் செய்ய வேண்டாம். கூந்தல் அதிகம் வறண்டிருந்தால் சாறுடன் அரை டீஸ்பூன் தேங்காய் எண்ணெய் அல்லது வைட்டமின் இ ஆயில் சேர்க்கலாம். சித்த மருத்துவத்தின் படி தேன் கலந்தும் தடவலாம் என்கிறார்கள். தேன் பட் டால் முடி நரைக்கும் என்பது உண்மையல்ல என்றும் சொல்கிறார்கள்.

குறிப்பு

வெங்காயச்சாறு தடவ நினைத்தால் எப்போது தேவையோ அன்று மட்டும் அன்றைக்கு தேவையான சாறு மட்டும் எடுத்துகொள்ள வேண்டும். சிலர் மொத்தமாக சாறு எடுத்து ஃப்ரிட்ஜில் வைத்து பயன் படுத்த நினைப்பார்கள். அப்படி செய்யும் போது சாறின் சத்துகள் நீர்த்துவிடும். கண்டிப்பாக பலன் இருக்காது. அதே போன்று வெங்காயத்தை நறுக்கி சிறிது நேரம் வைக்கவும் கூடாது. உடனடியாக நறுக்கி உடனடியாக சாறு பிழிந்து உடனடியாக தலைக்கு வைக்க வேண்டும். அப்போதுதான் அதன் பலன் முழுமையாக கிடைக்கும். பலரும் செய்யும் தவறு இது தான். இனி இதை மாற்றி உடனடியாக சாறு எடுத்து உடனடியாக பூசுங்கள். கண்டிப்பாக கூந்தலில் மாற்றம் உணர்வீர்கள்.

வெங்காய சாறு தடவி வந்தால் கூந்தல் உதிர்வு கட்டுப்படும். இளநரை பிரச்சனை படிப்படியாக மறையும். நரைமுடி புதிதாக வராது. அடர்த்தி குறைந்த கூந்தலில் அடர்த்தியும் கிடைக்கும். பொலி வான கருகரு கூந்தலுக்கு வெங்காயம் கேரண்டி என்று சொல்லலாம்.

share

Most Popular

To Top
error: Alert: Content is protected !!