International
அழகு

முகத்துல வெள்ளையா புள்ளி புள்ளியா இருக்கா, இதை செய்யுங்க காணாம போகும்!

வெள்ளை புள்ளி முகத்திலோ உடலில் கை , கால்களிலோ வரும் போதே அதை போக்க முயற்சிக்க வேண்டும். இல்லையெனில் அவை வேகமாக பரவி அசிங்கமான தோற்றத்தை உண்டாக்கிவிடும். உடலுக்கு நிறத்தை வழங்கும் மெலனின் குறைபாடு இதற்கு காரணம் என்றாலும் உடல் ஆரோக்கியத்தில் உண்டாகும் சில குறைபாடுகளும் இதற்கு காரணமாகிறது. வெள்ளை திட்டுக்களை கண்டால் ஆரம்பத்திலேயே வீட்டிலிருக்கும் பொருள்களை கொண்டு எளிதாக போக்கிவிடமுடியும். உங்கள் சருமத்திலும் எங்காவது வெள்ளை புள்ளி இருந்தால் இதை முயற்சி செய்யுங்கள் பலன் நிறைவாகவே இருக்கும்.

இஞ்சி

samayam tamil

சிறுதுண்டு இஞ்சி, களி மண் – ஒரு டீஸ்பூன் அளவு.

இஞ்சியை சாறு எடுத்து களிமண்ணுடன் குழைத்து வெண்புள்ளிகள் இருக்கும் இடத்தில் தடவுங்கள். பிறகு இலேசாக மசாஜ் செய்யுங்கள். முகத்தில் மட்டுமல்ல உடலில் எங்கு இருந்தாலும் இந்த பேஸ்ட் தடவலாம். இதை தடவி 30 நிமிடங்கள் கழித்து வெதுவெதுப்பான நீரில் கழுவி விடுங்கள்.

தினமும் இரண்டு வேளை செய்து வந்தால் புள்ளிகள் மறைந்து சரும நிறத்துக்கு வருவதை பார்க்கமுடியும். உள்ளுக்கும் இஞ்சியை அதிகம் சேர்க்க வேண்டும்.

​மூலிகை கலவை

samayam tamil

துளசி, வேப்பிலை, மருதாணி – தலா 15 இ லைகள், (வெண் புள்ளிகள் இருக்கும் அளவுக்கேற்ப) மூன்றையும் மைய அரைத்து கொள்ளுங்கள். இதை ஃப்ரிட்ஜ்ஜில் வைத்து பயன்படுத்தலாம் என்பதால் ஒரு வாரத்துக்கு தேவையான அளவு கூட அரைத்து வைத்துகொள்ளலாம்.

தினமும் இரவு தூங்கும் போது சருமத்தை சுத்தமாக கழுவி (முதுகு பகுதியில் இருந்தால் ஈரத்துணி கொண்டு துடைத்து) இந்த விழுதை தடவுங்கள். அவை காய்ந்த பிறகு படுக்க வேண்டும். மறுநாள் காலை வழக்கம் போல் வெதுவெதுப்பான நீரில் கழுவி கொள்ளலாம். தொடர்ந்து தினமும் இதை செய்துவந்தால் நிச்சயம் வெண்புள்ளி மறையக்கூடும். சருமத்தின் நிறத்தை விரைவாக மீட்கவே மருதாணி இலையை கூட சேர்க்கிறோம். தினமும் 10 துளசி இலைகளை மென்று சாறை விழுங்குவது கூடுதல் பலன் தரும்.

​புளியம்பழ கொட்டை

samayam tamil

புளியம்பழத்தின் கொட்டையை பொடித்து வைத்து கொள்ளவும். இதனுடன் வைட்டமின் இ ஆயில் கலந்து சில துளி எலுமிச்சை சாறை கலக்கி பேஸ்ட் போல் குழைத்து தடவலாம். இவை நன்றாக ஊறினால் பலன் விரைவில் கிடைக்கும் . அதனால் ஓய்வாக இருக்கும் போது இந்த பேஸ்டை தடவி 3 மணி நேரம் கழித்து வெதுவெதுப்பான நீரில் கழுவினால் போதுமானது.

​வசம்பும் மஞ்சளும்

samayam tamil

வசம்பு சிறு குழந்தைகள் இருக்கும் வீட்டில் பயன்படுத்தகூடிய பொருள். விஷத்தை முறிக்குமளவுக்கு அற்புதமான பலன்களை இவை கொண்டிருப்பதால் சருமத்தில் இருக்கும் கிருமித்தொற்றையும் அழிக்க உதவும்.

வசம்பை கடுகு எண்ணெய் தடவி நல்லெண்ணெய் கொண்டு ஏற்றிய அகல் விளக்கில் சுட்டு கொள்ளவும். இதை மஞ்சள் கலந்த நீரில் குழைக்கவும். இதை தினமும் தூங்குவதற்கு முன்பு வெள்ளை புள்ளி இருக்கும் இடத்தில் பற்று போட்டு வந்தால் படிப்படியாக ஆனால் முற்றிலும் மறையக்கூடும்.

தேன்

samayam tamil

தேன் முகத்துக்கு பளபளப்பை மட்டுமே கொடுக்ககூடிய பொருளாகவே எல்லாரும் பார்க்கிறோம். ஆனால் தேனில் இருக்கும் சிறந்த ஆக்சிஜனேற்றி பண்புகள் வெள்ளை புள்ளிகளை போக்ககூடிய தன்மை கொண்டது.

தினமும் நேரம் கிடைக்கும் போதெல்லாம் தேனை வெண்புள்ளிகள் இருக்கும் இடத்தில் தடவி அவை காய்ந்ததும் உலரவைத்து வெதுவெதுப்பான நீரில் கழுவி எடுங்கள். தினமும் இரண்டு அல்லது மூன்று முறை கூட இதை பயன்படுத்தலாம்.

​மிளகு எண்ணெய்

samayam tamil

மிளகு எண்ணெய் மெலனின் உற்பத்தியை ஊக்குவிக்கப்பதால் சருமம் இயற்கையான தோல் நிறத்தை அடைய உதவுகிறது. வைட்டமின் இ ஆயில் அல்லது ஆலிவ் எண்ணெய் ஒரு டீஸ்பூன் எடுத்து அதில் மூன்று சொட்டுகள் கலந்து வெண் புள்ளி இருக்கும் இடத்தில் தடவி மசாஜ் செய்துவந்தால் புள்ளிகள் மறையக்கூடும்.

மேற்கண்ட பொருள்கள் எதுவுமே பக்கவிளைவில்லாதது. ஆனால் பலன் கிடைக்க சற்று காலம் பிடிக்கும்.

share

Most Popular

To Top
error: Alert: Content is protected !!