International
அழகு

வெயில் பராமரிப்பில் வியர்வை வாடை வராமல் இருக்க அக்குளை பராமரிக்கும் முறை!

எப்போதும் உடலுக்கு காற்றோட்டம் தேவை.இல்லையெனில் வெளியேறும் வியர்வை சருமத்திலேயே தங்கி இறந்த செல்களை வெளியேற்றாமல் அழுக்கையும் அப்படியே வைத்து கடுமையான வியர்வை வாடையை துர்நாற்றத்தையும் உண்டாக்கும். வியர்வையால் உண்டாகும் துர்நாற்றம் மேலும் அதிகரிக்காமல் இருக்க உடலை தூய்மையாக வைத்துகொள்ள வேண்டும். அதனால் தான் கோடைக்காலத்தில் இரண்டு வேளை குளியல் மேற்கொள்ள வேண்டும். கூடுதலாக அக்குள் பகுதி பராமரிப்பு என்பது கோடையில் சற்று கூடுதலாக இருக்க வேண்டும். இல்லையெனில் வியர்வையோடு கடுமையான துர்நாற்றமும் உண்டாககூடும். இதிலிருந்து மீள்வதற்கு செய்ய வேண்டியது என்ன என்பது குறித்து பார்க்கலாம்.

​முடிகளை நீக்குங்கள்

samayam tamil

அக்குள் பகுதியில் இருக்கும் முடிகளால் சருமத்தால் வியர்வை உறிஞ்சுவது தடுக்கப்படும். மேலும் அங்கு கிருமிகள் தங்கிவிடவும் வாய்ப்புண்டு. போதாக்குறைக்கு சருமத்தில் கருமை படரவும் வாய்ப்புண்டு. அதனால் அக்குள் பகுதிகளில் முடிகள் இல்லாமல் வைத்துகொள்வதன் மூலம் வியர்வை வாடை வரமால் தடுக்க முடியும்.

முடியை அகற்ற ஷேவிங் செய்வதை விட வேக்சிங் முறையை பயன்படுத்துவதன் மூலம் அக்குள் பகுதியில் எரிச்சல் வராமல் தடுக்கலாம். வேக்சிங் முறையில் 3 வாரங்கள் வரை முடி வளராமல் இருக்கும்..

​அக்குள் சுத்தம்

samayam tamil

தினமும் இரண்டு வேளை குளியல் அவசியம் என்றாலும் குளித்த உடன் வியர்வை பகுதியை சுத்தமாக உலர வைத்து பிறகு மாய்சுரைசர் பயன்படுத்த வேண்டும்.வியர்வை வாசத்தை நறுமண சோப்புகள் நீக்கிவிடும் என்று அதிகப்படியாக அந்த இடத்தில் சோப்பு போட்டு குளிப்பதை தவிர்க்க வேண்டும்.

இயன்றால் கிருமி நாசினி சோப்புகளை பயன்படுத்துவதன் மூலம் அக்குளில் இருக்கும் கிருமிகள் வெளியேற்றப்பட்டு உடல் துர்நாற்றம் வராமல் பாதுகாக்கமுடியும். இரவு தூங்கும் போதும் மறக்காமல் அக்குள் பகுதியில் மாய்சுரைசர் தடவி கொள்ளுங்கள். இதனால் வாடையும் கருமையும் நீங்கும்.

உருளைக்கிழங்கு

samayam tamil

தினமும் குளிப்பதற்கு முன்பு உருளைக்கிழங்கை வட்டவடிவில் வெட்டி அக்குள் பகுதியில் வட்டவடிவமாக தேய்க்க வேண்டும். உருளைக்கிழங்கை தோல் சீவி மிக்ஸியில் அரைத்து கெட்டியாக பேஸ்ட் போல் ஆக்கி அக்குளில் பேக் போன்று போட்டும் ஊறவிடலாம். ஆனால் நேரடியாக உருளைக்கிழங்கை மசாஜ் செய்யும் போது அக்குளில் இருக்கும் இறந்த செல்கள் வெளியேறும். வியர்வையை சருமம் உறிஞ்சுகொள்ளும். கருமையும் நீங்கும். அதிகளவு வியர்வையும் துர்நாற்றமும் இருந்தால் தினமும் இரண்டு வேளையும் உருளைக்கிழங்கை வெட்டி மசாஜ் செய்தால் நல்ல பலன் கிடைக்கும்.

எலுமிச்சை

samayam tamil

வைட்டமின் சி நிறைந்த எலுமிச்சை சாறு சருமத்தில் இருக்கும் கிருமிகளை கொல்லும் திறன் கொண்டவை. எந்தவிதமான வாசனை திரவியங்களும் இல்லாமல் இயற்கையாகவே உடல் துர்நாற்றத்தை நீக்கி வைப்பதில் பெரும்பங்கு இதற்கு உண்டு. உங்கள் உடலில் அதிகப்படியான துர்நாற்றத்தை கொண்டிருந்தால் நீங்கள் எலுமிச்சையை பாதியாக வெட்டி அக்குள் பகுதியில் தேய்த்து மசாஜ் செய்து வெதுவெதுப்பான நீரில் கழுவ வேண்டும். எலுமிச்சை சிறப்பான பலன் தரும் என்றாலும் அதிக அழுத்தத்தோடு சருமத்தில் தேய்த்துவிடவேண்டாம். அக்குள் பகுதியில் எரிச்சல், தடிப்பு இருந்தால் எலுமிச்சை சாறில் சம அளவு நீர் சேர்த்து கலந்து சுத்தமான காட்டனில் வைத்து தேய்க்கலாம்.

​கற்றாழை சாறு

samayam tamil

கற்றாழை ஜெல் சூரியனிடமிருந்து வரும் கதிர்வீச்சுகளிலிருந்து சருமத்தை காப்பாற்ற செய்யும். அழகு பொருள்களிலும் அழகு பராமரிப்பிலும் கற்றாழை பயன்பாடு அதிகமாக இருக்க காரணமும் இதுதான். கற்றாழை தொற்றுகிருமிகளை எதிர்த்து போராட உதவும்குணம் கொண்டவை என்பதால் வியர்வையால் படியும் கிருமிகளை கற்றாழை கொண்டு அகற்றலாம்.

இரவு தூங்கும் போது கற்றாழை ஜெல்லை அக்குளில் தடவி கொண்டால் மறுநாளே வியர்வையால் வரும் துர்வாடை குறையும். வெளியில் செல்லும் போதும் கற்றாழை ஜெல்லை அக்குளில் தடவி செல்லலாம். பிசுபிசுப்பு அசெளகரியம் இருக்காது என்பதோடு அக்குளில் கருமையும் படியாது.

​ஆடைகளிலும் கவனம்

samayam tamil

கோடையில் குழந்தைகள் முதல் பெரியவர்கள் வரை அனைவருமே அணியும் ஆடையில் கவனம் கொள்ள வேண்டும். வியர்வை உறிஞ்சாத ஆடைகள் துர்நாற்றத்தையும், வியர்க்குரு பிரச்சனையையும் உண்டாக்கும். குறிப்பாக அக்குள் பகுதியை இறுக்கி பிடிக்கும் ஆடைகளை தவிர்த்து அக்குள் கை இல்லாமல் இருக்கும் ஆடைகளை அணியலாம்.

தளர்வான ஆடைகள் கோடை வெப்பத்திலிருந்து உங்களை எளிதாக மீட்டுவிடும்.சில எளிய பராமரிப்புகள் மூலம் அக்குளிலிருந்து வியர்வையோடு கருமையையும் நீக்கி கொள்ள சரியான நேரம் இது.

share

Most Popular

To Top
error: Alert: Content is protected !!