International
சமையல்

சத்தான டிபன் கேழ்வரகு – கேரட் ஊத்தப்பம்

கேழ்வரகில் தயாரிக்கப்பட்ட உணவுகள் உடலுக்கு ஆரோக்கியத்தை அளிப்பதோடு, சர்க்கரை நோயை கட்டுக்குள் வைக்க உதவுகின்றன.

தேவையான பொருட்கள் :

கேழ்வரகு மாவு – தேவையான அளவு,
கேரட் – 3,
வெங்காயம் – 2,
பச்சை மிளகாய் – 2,
கொத்தமல்லி இலைகள் – தேவையான அளவு,

உப்பு – தேவையான அளவு

செய்முறை :

கேரட்டை துருவிக்கொள்ளவும்.

வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

ஒரு பாத்திரத்தில் கேழ்வரகு மாவை போட்டு உப்பு சேர்த்து கலந்து தோசை மாவை விட சற்று திக்காக கரைத்து புளிக்க விடவும்.

மற்றொரு பாத்திரத்தில் பொடியாக நறுக்கிய வெங்காயம், ப.மிளகாய், கொத்தமல்லி, துருவிய கேரட் போட்டு நன்றாக கலந்து கொள்ளவும்.

தோசைக்கல்லை அடுப்பில் வைத்து, அது சூடானதும், மாவை கல்லில் ஊற்றி சுற்றி எண்ணெய் ஊற்றவும்.

ஊத்தப்பத்தின் மீது, கலந்து வைத்துள்ள கேரட், வெங்காய, மிளகாய் கலவையை தேவையான அளவு தூவி, நன்கு வேக விடவும்.

தோசை ஒரு பக்கம் வெந்ததும், அதை மறுபக்கம் திருப்பி போட்டு வேகவைக்கவும்.

இருபுறமும் நன்கு வெந்ததும் எடுத்து சூடாக பரிமாறவும்.

சத்தான கேழ்வரகு – கேரட் ஊத்தப்பம் ரெடி!

கேழ்வரகு – கேரட் ஊத்தப்பத்தை தேங்காய் மற்றும் தக்காளி சட்னிகளுடன் பரிமாறவும்.

share

Most Popular

To Top
error: Alert: Content is protected !!