International
சமையல்

பன்னீர் வெஜிடபிள் சாலட்

சாலட்டில் கலோரிகள், கொழுப்புகள் குறைவாக இருக்கும். காலை, மாலையில் சாலட் சாப்பிட்டால், உடல் ஆரோக்கியமாக இருக்கும். இன்று பன்னீர் வெஜிடபிள் சாலட் செய்முறையை பார்க்கலாம்.

தேவையான பொருட்கள்:

பன்னீர் – 1 கப்
வெங்காயம் – 1
தக்காளி – 1
வெள்ளரிக்காய் – 1
பச்சை மிளகாய் – 1
கடுகு தூள் – 1/2 டீஸ்பூன்
எலுமிச்சை சாறு – 1 டீஸ்பூன்
உப்பு – தேவையான அளவு

கொத்தமல்லி – 1 டீஸ்பூன்

பன்னீர் வெஜிடபிள் சாலட்

செய்முறை:

பன்னீரை துண்டுகளாக வெட்டிக்கொள்ளவும்.

வெங்காயம், தக்காளி, கொத்தமல்லி, ப.மிளகாய், வெள்ளரிக்காயை பொடியாக நறுக்கி கொள்ளவும்.

ஒரு வாணலியை அடுப்பில் வைத்து, அதில் பன்னீரை போட்டு 2-3 நிமிடம் ரோஸ்ட் செய்ய வேண்டும்.

பின் அதனை இறக்கி, ஒரு பௌலில் போட்டு, நறுக்கிய வெங்காயம் பச்சை மிளகாய், வெள்ளரிக்காய் மற்றும் தக்காளி சேர்த்து, கடுகு தூள், உப்பு போட்டு நன்கு கிளற வேண்டும்.

இறுதியில் அதில் எலுமிச்சை சாற்றை பிழிந்து, கொத்தமல்லியை தூவி பரிமாறவும்.

இப்போது பன்னீர் வெஜிடபிள் சாலட் ரெடி!!!

குறிப்பு: இத்துடன் விருப்பமான காய்கறிகளை வேக வைத்து சேர்த்துக் கொள்ளலாம்.

share

Most Popular

To Top
error: Alert: Content is protected !!