International
பெண்கள்

ஸ்ட்ரையிட்டனிங்க் செய்வதால் இவ்வளவு தீமைகளா..??

நிரந்தரமாக ஸ்ட்ரையிட்டனிங்க் செய்வதால் நமது கூந்தலுக்கு பல பாதிப்புகள் ஏற்படுகின்றன.

கூந்தல் உதிர்தல்

கூந்தல் ஸ்ட்ரைட்டனிங் செய்வதில் வரும் முக்கியமான தீமை முடி உதிர்தலாகும். ஏனெனில் நமது முடியின் மயிர்க்கால்கள் வலுவிழந்து விடுகின்றனர். இதற்கு ஹேர் ஸ்ட்ரைட்டனிங் செய்யும் போது பயன்படுத்தப்படும் இரசாயனம் தான் காரணமாகும். மேலும் சூடான கருவியை பயன்படுத்துவதால் அவை அதிகப்படியான முடி உதிர்விற்கு காரணமாக அமைகின்றன.

வறட்சித் தன்மை

ஹேர் ஸ்ட்ரைட்டனிங் உங்கள் முடியில் உள்ள ஈரப்பதத்தை உறிஞ்சி வறட்சியாக்கி விடுகிறது. அதிகமான இரசாயனம் மற்றும் சூடான கருவியை பயன்படுத்துவதால் இந்த மாதிரியான பக்க விளைவுகள் அதிகமாகிவிடும்.

ஒவ்வாமை

இது இன்னொரு விதமான பிரச்சினை ஆகும். ஹேர் ஸ்ட்ரைட்டனிங் பண்ணுவதால் ஒவ்வாமையும் ஏற்படுகிறது. நீங்கள் பயன்படுத்தும் இரசாயனங்கள் மயிர்கால்களின் தன்மையையே மாற்றி விடும்.

எனவே இதனால் நமது தலையில் ஒவ்வாமை ஏற்படுகிறது. எனவே கூந்தல் ஸ்ட்ரைட்டனிங் பண்ணும் போது நல்ல தரம் வாய்ந்த ஹேர் ஸ்ட்ரைட்டனிங் பொருட்களை கொண்டு செய்வது சிறந்ததாகும்.

கூந்தலின் வேர்க்கால்களை எரிக்கிறது

தொடர்ந்து ஹேர் ஸ்ட்ரைட்டனிங் செய்யும் போது அதிகமான சூட்டினால் மயிர்க்கால்களை எரித்து விடுகின்றன இதனால் உங்கள் கூந்தல் கடின தன்மையுடன் வலுவாக மாறி விடுகின்றன. இந்த பிரச்சினையை நிறைய பெண்கள் சந்தித்துள்ளனர் என்பது அவர்களின் கருத்தாக உள்ளது.

உடையும் முடிகள்

இந்த ஹேர் ஸ்ட்ரைட்டனிங் செய்வதில் பயன்படுத்தப்படும் இரசாயனங்கள் மற்றும் வெப்பம் போன்றவை முடி உதிர்விற்கு காரணமாக அமைகின்றன. உடையும் இந்த முடிகளால் ஆரோக்கியமற்ற கூந்தல் தான் விளைவாக கிடைக்கிறது. இதை தடுக்க தினமும் உங்கள் அழகு குறிப்பு முறைகளில் ஹேர் சீரம் பயன்படுத்துங்கள். இவை உங்கள் கூந்தல் உடைவதிலிருந்து தடுத்து போதுமான ஈரப்பதத்தை கொடுத்து பாதுகாக்கும்.

கூந்தல் பொலிவிழந்து காணப்படுதல்

மற்றொரு பிரச்சினை கூந்தல் பொலிவிழந்து காணப்படும். இந்த ஹேர் ஸ்ட்ரைட்டனிங் முறை உங்கள் தலையில் உள்ள இயற்கையான எண்ணெய் பசையையும் ஈரப்பதத்தையும் உறிஞ்சி கூந்தலை பொலிவு இல்லாமல் ஆக்கி விடும்.

முடிகள் வளர்வதை குறைத்தல்

அதிகமான கூந்தல் பராமரிப்பாளர்களின் கருத்து ஹேர் ஸ்ட்ரைட்டனிங் முறை உங்கள் கூந்தல் வளர்ச்சியை தடுக்கிறது என்பது தான். இதற்கு இதில் பயன்படுத்தப்படும் இரசாயனம் மற்றும் வெப்பம் தான் காரணம் என்று அவர்கள் கூறுகின்றனர்.

தலையில் உள்ள மேல்தோல் பாதிப்படைதல்

இந்த நிரந்தர ஹேர் ஸ்ட்ரைட்டனிங் முறை செய்வதால் நமது ஸ்கால்ப்பில் உள்ள மேல் தோல் பாதிப்படைகிறது. இதனால் நமது ஸ்கால்ப் வலுவிழந்து ஆரோக்கியமற்றதாக மாறி விடும்.

share

Most Popular

To Top
error: Alert: Content is protected !!