International
சமையல்

வெந்தயக்கீரை இட்லி செய்வது எப்படி?

வெந்தயக்கீரையில் அதிகளவு சத்துக்கள் நிறைந்துள்ளது. இன்று வெந்தயக்கீரையை வைத்து சத்தான சுவையான இட்லி செய்வது எப்படி என்று பார்க்கலாம்.

தேவையான பொருட்கள் :

இட்லி மாவு – 2 கப்
வெந்தயக்கீரை – 1 கட்டு,
சாம்பார் வெங்காயம் – 50 கிராம்,
காய்ந்தமிளகாய் – 3,

உப்பு, எண்ணெய் – தேவைக்கு.

செய்முறை :

வெந்தயக்கீரையை நன்றாக சுத்தம் செய்து பொடியாக நறுக்கி கொள்ளவும்.

வெங்காயத்தை பொடியாக நறுக்கி கொள்ளவும்.

கடாயில் எண்ணெயை ஊற்றி சூடானதும் காய்ந்தமிளகாய் போட்டு தாளித்த பின்னர் பொடியாக நறுக்கிய வெங்காயத்தை சேர்த்து வதக்கவும்.

வெங்காயம் நன்றாக வதங்கியதும் வெந்தயக்கீரை, உப்பு சேர்த்து நன்கு வதக்கி இறக்கவும்.

வதக்கிய கீரையை இட்லி மாவில் சேர்த்து நன்றாக கலந்து கொள்ளவும்.

இந்த மாவை இட்லி தட்டில் மாவை ஊற்றி ஆவியில் வேகவைத்து எடுத்து பரிமாறவும்.

சத்து நிறைந்த வெந்தயக்கீரை இட்லி ரெடி.

share

Most Popular

To Top
error: Alert: Content is protected !!